مرحبا ملايين و لا يسدن فذمتيه و ان سدن فلا باس ..
شحالكم صبايا & شباب ؟؟
حبيت احطي لكم هاي القصة .. من كتاباتي .. احم احم .. كح كح .. <<< غصه انشالله .. ههه
ٍ~ عهد ابقى على حبي و حبك ~ٍ
أعرفكم بالشخصيات ..
عائلة بو راشد :
بو راشد : اسمه طالب .. طيب .. لكن وقت الشده شديد .. عمره (42 سنه)
ام راشد : اسمها عوشه .. عصبية .. لكنها طيبه .. و مسولفجيه .. عمرها (40 سنه)
نور : دلوووعه .. و دلعها يقهر .. عمرها (17 سنه) صف ثالث ثانوي ..
التوأم توته (مريم) و شروق : العناد طبعهم .. و الضرابة هوايتهم .. و الشطانه عشقهم ..عمرهم (15 سنه) صف اول ثنوي ..
راشد : كتكوت .. و حبوب .. عمره (4 سنوات)
عائلة بو خالد : (عم توته) ..
بو خالد : اسمه سعيد .. طيب .. و حنون و يحب عياله و حرمته .. عمره (41 سنه)
ام خالد : اسمها نجوى << مادري ع منو مسمينها هع .. تصير خالة توته .. و هي حبوبه بس شوي عصبية .. عمرها (39 سنه) ..
نوف : طيوبه و حبوبه و تحب اخوانها .. عمرها ( 17 سنه) .. صف ثالث ثنوي ..
خالد : طيوب .. لكنه عصبي .. و حنون على اخوانه .. و مغازلجي .. عمره (16 سنه) .. صف تاني ثنوي ..
سلطان : كووول .. و مسولفجي .. شوي يغازل .. عمره (15سنه) صف اول ثانوي .. و هو اخو توته و شروق بالرضاعه ..
روضه : كتكوووووووته .. و حبوبه .. و راعية سوالف .. عمرها (6 سنوات) صف اول ابتدائي ..
عائلة بو ميره : (عم توته)
بو ميره :اسمه احمد .. طيب و حنون .. شويه عصبي .. عمره (30 سنه) ..
ام ميرة : اسمها منال .. عصبيه لدرجة .. عمرها (29 سنه) ..
ميره : شيطانه شويه .. لكنها حبوبه .. عمرها (14سنه) صف ثالث اعدادي ..
و عمها حبيب قلبها سلوووم عمره (19سنه) مغازلجي .. و راعي فزعاااات .. و ريال ينشد فيه الظهر << مرات خخخ ..
.................................................. .................................................. ................
عائلة بومايد :
بو مايد : طيب و حنون و مسولفجي .. عمره (43 سنه) ..
ام مايد : اسمها فاطمه .. طيوبه بس شوي عصبيه .. عمرها (38 سنه) .. و هي ربيعة ام راشد من يوم صغار ..
مايد : طيب و حنون .. و شويه عصبي .. عمره (17 سنه) ثالث ثنوي ..
مريم : كووووووووول ... و حبوبه .. و كيوت .. عمرها (15سنه) ربيعة قوم توته وااااااااااااااااايد ..
و في شخصيات ثنويه بتعرفونها فالقصه ..
.................................................. .................................................. ................
][ البارت الأول ][
الصبح الساعة 7:00 ..
توته طالعه من الحمام (عزكم الله) بتجهز حق السكول .. شروق كانت جاهزة و كانت تحت تتريق ..
توته عند الدري تزاعج : شرقووووووووووووووووووووووووووووووووووووووووووووووو وووووووووووووووووووووووا
شروق : و يهد تقولج شروق ..
توته : وين جوتيه .. طبجه عندي و الطبجه الثانيه وين ..
شروق : و انا شعرفني ..
توته : اووووه .... و سارت ادور .. لقت طبجه من جوتي شروووق .. و الثانيه محد ..
توته نازلة من الدري و راحت عند طاولة الطعام .. و فرت شروق بجوتيها : يالغبيه .. و تقوليلي ما يخصج .. ثرج عنز و لابسه طبجتي ..
شروق : اقول شو السالفة وسيع .. ترى ريلج اكبر عن ريلي ..
توته : جب جب .. الا اكبر برقم واحد ..
شروق : خلاص ما قلنا شي .. تعاي ما خبرتج ؟؟
توته : شو ؟؟
شروق : امس حمود زخني و قالي شو تلبسن بناطلين حق المدرسة شو ما تستحن على ويهكن .. اولاد وياكم فالمدرسة ..
توته : خوالنا عفان الله معقدين .. و انتي شو قلتيله ؟؟
شروق : اقولج لاه .. المهم قلتله باباه عادي عنده .. و رحت عنه ..
توته : هيه جيه اباج .. عفيه عليج حياتو ..
شروق : توأمج يا روحي ..
توته : بس لا تغازليني من الصبح .. الا وينهم البيت صخه ؟؟
شروق : كلهم راحوا المدرسة .. كم الساعة ناو ؟؟
توته : مادري بشوف .. شافت الساعة و هي تشرب البيبسي .. عفان الله تتريق بيبسي .. و شرقت ..
توته : كح كح ..
شروق : صحة صحة ..
توته : ع قلبج .. قومي اتقمقم عصبج الساعة ثمان الباص روح عنا ..
شروق: بتصل ف عويش .. بطالعها وين ..
توته : عندج رصيد و الا اطرشلج ..
شروق : انا مينونه اخسر رصيدي .. بتصل من البيت احسلي .. و سارت تتصل لأمها ..
شروق : اول عويش ..
ام راشد : اصبحنا و اصبح الملك لله .. خير من الصبح داقه ..
شروق : الباص روح عنا .. و شيرلي توصل اخواني المدرسة .. تعالي ودينا المدرسة ...
ام راشد : و الله محد قالكن .. رشود و نوروا يرحون فالسيارة .. الا انتن اونه باص .. عشان ربعكن .. و نعم الربع و الله النطيحة و المترديه ..
شروق : استغفر الله العظيم .. لازم نسمع هالموال كل يوم .. الحين شو بتين و الا ؟؟
ام راشد : اسفه ماروم اظهر من الدوام .. قروا فالبيت اليوم ..
شروق : فديت ام رشوود فكيتينا و الله .. .. المهم الساعة عشر بنروح نتريق فصحارى ..
ام راشد : روحه بلا رده ..
شروق تغني : روحه بلا رده .. مابيك ترجعلي ما عدت انفعلك و ماعاد تنفعلي ..
ام راشد :بس بس ... وزلي عن ويهي .. بااي ..
شروق : زييييييين .. لاه .. بااي..
و سكرت ..
شروق : بشارة توتو ..
توته : خير ....
شروق : ما بنروح المدرسة و بنتريق فصحارى ..
توته : زين زين شي طيب الصراحة ..
شروق : بعد ساعة روحي اجهزي ..
توته : اوووك ..
شروق : بروح بييب لابي ..
توته : فديتج ييبي لابي بعد ..
شروق : اشتغل عندج و الا عند ابوج ..
توته : لا توأمي القمر .. و ابويه هو ابوج يالعنز ..
شروق : فديتج و الله .. اسمحيلي غناتو ..
توته : برايه فديتج ..
شروق سارت ..
و رن تيلفون البيت ..
توته : منو المتفيج متصل هالوقت .. و شلت السماعه .. الووووه ..
*** : السلام عليكم ..
توته : و عليكم السلام ..
*** : هذا بيت طالب راشد الـ...
توته : هيه .. منو بغيت ؟؟
*** : انتي منوه ؟؟
توته : و انته شولك انا منوه .. صدق ما تستحي ع ويهك ..
*** : صبري .. انا خالد ..
توته : اي خالد ؟؟
خالد : خالد محمد الـ.... بيتنا مجابل بيتكم ..
توته : و انته منو عطاك رقم بيتنا .. ؟؟
خالد : شيرلي دريوليتكم .. ترى هي ربيعة شغالتنا ..
توته : حسبي الله عليها مسودة الويه .. تنشر رقم بيتنا ..
خالد : هههه .. انا قلتلها اباه ..
توته : و هي خديه تعطي رقمنا لمن هب و دب ...
خالد : افا ولد جيرانكم انا ..
توته : اسمحلي اخويه .. بس شو بغيت ..؟؟
خالد : بصراحة انا معجب فشروق .. و مادري حاس اني احبها و جيه .. و طول الوقت افكر فيها ..
توته : و انت وين شفت اختي ؟؟
خالد : كل يوم اشوفها .. هي و توأمها توتو .. و هم يركبون الباص ..
توته : انا توتو ..
خالد : اها .. شحالج ؟؟
توته : بخير .. و ترى اباك تعرف تبا تلعب العب بس مب على اختي .. اعرفكم انتوا الاولاد ..
خالد : لا انا غير .. و الله انيه احبها ..
توته : اسمحلي خالد .. نحن مب مال هاي السوالف ..
خالد : و الله مب قصدي اني العب عليها .. انا فعلا احبها ..دخيلج كلميها .. و اهنه حدرت شرووق ..
توته : اووك بسألها و بشوف ..
خالد : باي ..
توته : تيك كير ..
خالد : يو تو ..
و سكرت ..
شروق : منو ترمسين ؟؟
توته : ها .. هيه اربيعتي ..
شروق : تجذبين علييه ..
توته : اممم الصراحة ها خالد بيتهم مجابل بيتنا و هو معجب فيج و يقول انه يحبج .. و ودوم يفكر فيج و هو قالي اكلمج ..
شروق : نعم نعم .. من وين يعرفني ؟؟
توته : يقول كل يوم يشوفنا و نحنا راييحن الباص ..
شروق : مادري .. عمري ما فكرت احب ..
توته : تبين الصراحه شكله صادق .. تم يحلفلي انه يموت فيج ..
شروق : يمكن يجذب ..
توته :حلفلي اقولج .. قالي و الله اني اموت اموت اموت فيها...
شروق اونها استحت : مادري .. ماعرف .. المهم يودي لابج ..
توته : اونها استحت .. هع ..
شروق : جب جب انزين ..