ٍ~[ مـالـgggم قلبي إن غدا فيك مجبـgggر ]~ٍ

بسم الله الرحمن الرحيم

و الصلاة و السلام على اشرف المرسلين

سيدنا محمد على آله و صحبه اجمعين

أما بعد .. ههههههههههه << شكلي ادينت ,, ههه

المهم .. أمرت صاحبة السمو الشيخه البطرانه رئيسة مجلس الوزراء حاكمة بيتنا .. ان تنزل قصة لكم .. و هي بالعنوان اللي فوووق .. خخخ .. خل ارمس عامي احسن .. خخ

خل نبدا ..


ٍ~[ الشخصيات ]~ٍ

عايلة بو منصور :-
بو منصور : اسمه محمد .. عمره 38 سنه ..
ام منصور : اسمها ميثا .. عمرها 36 سنه ..
مريوم : عمرها 16 سنه .. صف ثاني ثنوي ..
ميروه : عمرها 15 سنه .. صف أول ثنوي ..
منصور : عمره 11 سنه .. صف سادس ..

عايلة بو عمر :-
بو عمر : اسمه حمد .. عمره 42 سنه ..
ام عمر : اسمها مريم .. عمرها 40 سنه ..
عمر: عمره 19 سنه .. ما يدرس و لا يشتغل ..
عزوز : عمره 17 سنه .. صف ثالث ثنوي ..
عبود : عمره 11 سنه .. صف سادس ..

عايلة بو مايد :-
بو مايد : اسمه سلطان .. عمره 40 سنه ..
ام مايد : اسمها شيخه .. عمرها 38 سنه ..
مايد : عمره 17 سنه .. صف ثالث ثنوي ..
فطامي : عمرها 16 سنه .. صف ثاني ثنوي ..
ريموه : عمرها 15 سنه .. صف أول ثنوي ..

عايلة بو أحمد :-
بو أحمد : اسمه جاسم .. عمره 44 سنه ..
أم أحمد : اسمها عليا .. عمرها 42 سنه ..
أحمد : عمره 19سنه .. لا يدرس و لا يشتغل ..


كـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــت ..

ٍ~[ البارت الأول ]~ٍ

فبيت بو منصوؤر ..
ام منصور توعي مريوم حق المدرسه : مريوم .. ميمي .. مريوم يالله حبيبي قومي ..
مريوم : اخيه عاد .. يالله قمت قمت .. و ثامت سارت الحمام << عزكم الله ..
تحت ع طاولة الطعام ..
منصور : ياربي .. هاي شو عفان الله .. تموت فشي اسمه رقاد .. حتى قوم عزوز راحوا عنا ..
ميروه : ههه .. من يومها تحب الرقاد ..
ام منصور يت من فوق : اوووف .. ما بغت اتقوم ..
بو منصور : كل يوم نفس الحالة ..
منصور : ابويه ما يصير جيه .. كل يوم نتأخر عن المدرسة ..
بو منصور : انزين انا برمسها .. اوووووه .. حشرة من الصبح ..
مريوم نازلة من فوق ..
ميروه تتطنز : وصلت الليدي ديانا ..
مريوم : تعرفيني يوم اقوملج ..
بو منصور : اصبحنا و اصبح الملك لله .. بسكم من الضرابه و يالله الدريول يترياكم برع ..
كلهم : يالله جااااااااااااااو .. و راحوا مدارسهم .. و بو منصور راح شركته ..
فمدرسة قوم مريوم ..
فطامي تزعج : مريوووووووووووووووووووووووووووووووووووووم ..
مريوم : و العثرة تقولج مريوم ..
فطامي : افاا و الله افاا .. انا فطامي اتقوليلي و العثرة .. ما هقيتها ..
مريوم : خخخ .. اتمصخر ..
فطامي : هه .. قومي نحوط ..
مريوم : فوقه .. و راحوا صوب ميروه و ريموه ..
ريموه : حووه .. جيه ما ييتوا ويانا اليوم الصبح ..
ميروه : تعرفين بعد الليدي ديانا لين ما تقوم و تجهز و عزوز ما فيه صبر يبا يلحق ع المدرسة من زود الشطارة ..
مريوم : وايد تعلطين اليوم ..
ريموه : تحمدين ربج يوم اتقولج الليدي ديانا ..
فطامي : بس عن الضرابه ..
و دق الجرس و كلن راح صفه و عقب خلص الدوام و كانوا واقفين برع ..
مريوم : فأي سيارة يايين اليوم ؟؟
فطامي : فالفتك الفضي ..
مريوم : اخيييه انا اركب فتك ..
ميروه : اقووول طوفن لأني جفتهم .. و خلوا هاي الخقاقه ترد البيت فتكسي .. هههه
كلهم : ههه .. و راحوا ركبوا ..
ميود .. عزوز يسوق ..
فالنص: مريوم .. فطامي .. ريموه .. ميروه
ورى : عبود و منصور ..

البنات : السلام عليكم ..
الأولاد : و عليكم السلام ..
مريوم : ميروه يالحيوانه ..
ميروه : حوه بلاج تسبين ..
مريوم : نسيت اخبرج شي ..
ميروه : شووه ؟؟
مريوم جافت الكل يطالعها : فالبيت بقولج ..
ميروه : الله يصبرني ..
مريوم : مناصيروا لا تنسى اليوم دوري كرة قدم فالبليستيشن ..
منصور : ما نسيت و اللي يخسر يعزم الثاني ع المطعم ..
مريوم : اوووك ..
فطامي : ولد ولد مب بنت عفان الله..
مريوم : جب جب انتي .. الا بتخبركم ؟؟
البنات : شوه ؟؟
مريوم : تعرفون ليش حصوه ال***(قبيلتهم) مفصوله ؟؟
ريموه : يقولون يايبة فون السكول ..
مريوم : لا لا لا ..
ميروه : عيل ..
مريوم : زاخينها و يا ولد جدام المدرسه ..
فطامي : لا حول و لا قوة الا بالله ..
ريموه : الله يهديها ..
ميود : عزوز دخيلك شغل شي بدال حشرة هالسيلانيات ..
عزوز : ههه .. حليلهن ..
ميروه : ما عليه ميود الحين احنا سيلانيات ,.
ميود : نعم .. و الا شرايكم عبود و مناصيروا ؟؟
عبود : فهاي صادق ..حشى ما يعوركن حلجكن من كثر ما ترمسن ..
مريوم : الله و اكبر الله و اكبر .. قل اعوذ برب الفلق ..
منصور : و مب اي رمسه كلها حش في حش .. آثامهم قد شعر راسهم ..
البنات : جب جب ..
عزوز مر المحطة ..
عزوز : تبن شي ؟؟
مريوم : رد بول لو سمحت ..
عزوز : الرد بول مب زين ..
مريوم : بس انا يعيبني ..
عزوز : حتى لو يعيبج مب زين ..
مريوم بدلع : عزووووووووووووووز ..
عزوز : اوكبه لي هالمرة .. مرة ثانيه .. noooo ..
مريوم : يصير خير .. خخ ..
و تمن البنات يتشرطن على عزوز و ميود .. و عبود و منصور مرتاحين .. خخخ ..

كـــــــــــــــــــــــــــــــــــــــــــــــــ ــــــــــت

شرايكم ؟؟