رحلتي للبلاد الساحره تركيا 2009(متجدد يوميا)

السلام عليكم شخباركم ياعرايس بصراحه اول مره اشارك بقسم السياحه والسفر واتمنى تشجعوني هذي رحلتي الساحره وانشالله الموضوع متجدد كل يوم انزل لكم مكان على حسب رحلاتي نبدا بسم الله





طبعا هالصوره خذيتها وانا بالطياره وكنه على طيران الجزيره ووقتها وايد حلو نطير من الكويت 7 و10 ونوصل تركيا 11الا ربع وطيران مريح






هالصوره بالعباره واحنه رايحين بورصه رحنه بالعباره البطيئه لان احلى من ناحيه المناظر وماتدوخطعبا هذا منظر اسطنبول من بعيد






وهذا منظر بورصه من بعيد طبعا شوفو الفرق بالجبال لان بورصه خضره اكثر من اسطنبول






هذا سكنه شقق فندقيه بمنطقه شكرجه شارع كوكورتلو اسمه في اي بي هوتيل وايد نظيف وحلو وكل شقه تتكون من 3 غرف نوم وحمامين ومطبخ وصاله












وقفت بالبلكونه وصورت هالمناظر ماكو شغل

وبعدها كنه ميتين من اليوع رحنه مطعم اسمه ضيافه بمنطقة موراديه وايد حلو اكله لذيذ ومكانه حلو مفتوح واسعاره مناسبه











هذا داخل المطعم القعده الداخليه











هذي القعده الخارجيه وايد حلوه والجو كان وايد حلو احنه قعدنه بره وهذي صورة مجرى الماي اللي فيه عجبني شكله وصورته











وهذا طبقي اللي طلبته عليي بالعافيه اسمه كرشك ضيافه يعني مشكل وهذا المشهور اللي عندهم

هالورده هديه مني لكم صورتها من حديقة الفندق هههههههه اعجبتني ونطروني كل يوم اصور لكم شي موضوعي متجدد انشالله وابي تشجيع منكم






اتمنى موضوعي يعجبكم ياعرايس وترقبوني برحلاتي المقبله